Muffa
Articolo da leggere nella USC DI LADINS del 30.09.2022
Co ti vester ala mufa te cësa?
Avëi mufa te cësa, chëla ie propi nia mas-sa na bela situazion. Prim de dut iel burt a ti cialé y pona sàn, che zeche ne stimenea nia danter nosc parëies. La mufa ie nce de dann per nosta sanità; ëila possa vester la gauja per alergies, astma, mel de cë, san’ de nés, stome, mené ora dl vënter, ve-ster slunfei su, stanchëza, nchinamei per malaties psichiches y crëibes. Avëi l’aria massa tumia te cësa (ne daussa nia vester sëura l 80%) ie la rejon primera che l se fej mufa. Pona iel da cunscidré sce l ie vel dann pra la ijulazion, coche la stà cun l’a-riazion te cësa o sce l ie unì fat vel fal ntan che n frabicova. La va perchël de analisé chësc problem y ti jì permez a chësc pro-blem tosc, zënza bazilé massa giut y de nciarië na mpreja esperta te chësc ciamp.
La firma Pasquali se dà bele ju dai ani cun chësc fenomen y se à nce fat na gran sperienza de chësc viers. La possa mustré su deplù zertificazions y manda si cun-lauradëures regulermënter a fé cursc de spezialisazion per savëi co recunëscer, ressané y schivé la mufa. A chësta ma-niera cunëscen daniëura la tecniches de sanazion atueles y possa garantì nsci n lëur asvelt y prufesciunel.
“Truep prudoc per cumbater la mufa ie suvënz de dann per l ambient y fej mé smarì l culëur dl fonch mpede l cumba-ter. Per cumbater chisc parassic tulons mé prudoc che ie unic purvei ora y che respe-tea l ambient, che ne cuntën perchël nia sustanzes massa stersces o che fej dann”, nes conta Derri Pasquali, un di patrons.
Oradechël sa ëi coche n possa schivé che l se sënte sëura mufa te cësa. L vën cun-sià de lascé ite unì doi ëura aria frëscia te cësa lascian davierc i vieresc per n 5-10 menuc. Do avëi fat bani fossel bon suië i parëies y giaurì l viere. I locai che ne vën nia adurvei dëssen unitant i aieré (“lüften”) y te cësadafuech for mpië la venti-lazion.
La firma Pasquali cun si cunlauradëures, cun na bona man per l artejanat da moler ntendù tla drëta maniera, pieta na gran vela de servijes y à tlienc cuntënc ënghe oradeca.
